ميدو ساخراً: أبارك للمنتخب الأولمبي على رحيل “عصام الحضري”
أنتقد المدرب “أحمد حسام ميدو” المدير الفني للنادي الإسماعيلي طريقة رحيل “عصام الحضري” عن تدريب حراس مرمى المنتخب الأولمبي والانضمام للجهاز الفني للمنتخب السوري.
وقال ميدو في تصريحاته: “أبارك للجهاز الفني للمنتخب الأولمبي برحيل عصام الحضري، لأن عصام الحضري مش مركز في الشغلانة مع المنتخب الأولمبي، ممكن يكون معاك حد أقل إمكانيات وقلبه معاك، ومركز معاك بس، أحسن بكتير ما يبقى معاك حد مش مركز”
وأضاف ميدو: “عصام الحضري كان بيدور على شغلانة تانية طول الفترة اللي فاتت لأنه كان مستقل شغلانة المنتخب الأولمبي، والحضري كان مُشتت، لذلك أبارك للجهاز الفني للمنتخب الأولمبي وأبارك لمصر، مش إحنا اللي يتعمل معانا كدة، إحنا اللي أسسنا الكورة في أفريقيا ومنتخب مصر هو اللي صنع اسمنا كلنا، وكان لازم الحضري يحترم الناس اللي جابته واتعاقدت معاه وكان لازم يخرج من الباب الكبير”.
إقرأ أيضاً.. محمد بركات يهاجم الحضري بعد رحيله عن المنتخب المصري الأولمبي
