محمد عبد المنعم يوجه رسالة مؤثرة لجماهير النادي الأهلي
عبر النجم “محمد عبد المنعم” لاعب فريق نيس الفرنسي عن خالص امتنانه لنادي الأهلي الذي أسهم بشكل كبير في تحقيق أحلامه خلال مسيرته الرياضية مع القلعة الحمراء، وقد أعلن نادي نيس توقيع عقد احترافي مع النجم المصري بعد انتقاله من النادي الأهلي.
ونشر محمد عبد المنعم رسالته في مقطع فيديو عبر حسابه الرسمي على “إنستجرام” قائلاً: “بلعب قدام جمهور كبير بيهتف باسمي، الحلم ده مش بس اتحقق، ده بقى جزء مني ومن حياتي، 15 سنة مروا عليا في النادي الأهلي، 15 سنة مروا عليا وأنا بلعب بتيشرت الأهلي، 15 سنة عشت فيها حاجات كتير من الحب والتحديات والفخر”.
وأضاف: “يوم ما لبست التيشرت للمرة الأولى، حسيت إن دي لحظة عمرها ما تتكرر، حسيت إني بقيت لاعب من أولاد الناي الأهلي، النادي اللي حلمت بيه من صغري، كل تمريرة عملتها وكل هدف سجلته كان مليان أحاسيس كتيرة، الذكريات دي مش هتنتهي، الأهلي اداني أكتر من اللي كنت بحلم بيه، أنا فاكر أول مرة أدخل ملعب التتش، الملعب اللي شهد جهدنا وعرقنا، الملعب اللي شهد على كل فرحة ونصر، جمهور الأهلي اللي صنعني وصنع اسم محمد عبد المنعم، بشكر كل الجماهير”.
وأنهي قائلاً: “بشكر مجس إدارة النادي الأهلي بقيادة الكابتن محمود الخطيب، الراجل ده عرف ازاي يحقق أحلامنا، عمره ما بخل علينا بأي نصيحة، وكان دايما السند في الأوقات الصعبة، بشكر اللاعيبة اللي كانت معايا على الحلوة والمرة واللي عملت معاهم ذكريات كتير، وعلى كل بطولة حققناها كتف في كتف، وأخيرًا بشكر المشجعين أيضًا والجمهور اللي هيفضل في بالي طول الوقت، الأهلي أعظم نادي في الكون ودايمًا الطموح هو اللي بيصنع الأبطال”.
عرض هذا المنشور على Instagram
إقرأ أيضاً.. رسمياً.. نادي نيس الفرنسي يعلن ضم “محمد عبد المنعم” من الأهلي
