بعد هزيمة الأهلي أمام بيراميدز.. عضو مجلس إدارة يوجه رسالة لرابطة الأندية

وجه “محمد الدماطي” عضو مجلس إدارة النادي الأهلي، رسالة إلي رابطة الأندية المصرية بعد الهزيمة أمام بيراميدز أمس، تخص نظام دخول الجمهور المدرجات.

ونشر محمد الدماطي عبر حسابه الرسمي علي موقع فيسبوك منشور جاء فيها :”لأول مرة من خمس سنين حتكلم و انا عضو مجلس لكن بلسان حالي لوحدي ، عشان الامانة تحتم عليا دة و عارف سيل النقد اللي حينزل عليا و تعليقات نقد علي الجانب الفني اللي انا واثق ان شاء الله انة مع الوقت اكيد حيتصلح و ثقتي كاملة في ادارة الكورة علي تخطي الصعاب، لكن فكرة اني عيشت حياتي كلها في المدرج تخليني اقول الكلمتين دول“.

وأضاف الدماطي: “لازم إعادة نظر سريعة في نظام دخول الجماهير، لا نظام الـfan Id ولا لأسعار التذاكر بتدخل نوعية جمهور الأهلي بتاع زمان ولا فئات الشعب اللي بتحب الاهلي والكورة بجد، لازم سعر التذكرة ينزل لحد 25 جنية عشان أي حد يوصل الملعب رايح جاي وياكل حاجة حيدفع زيهم مرتين يعني الماتش الواحد حيقف بأقل حاجة 75 جنية وده يخلي الناس اللي مرتباتها 3 و4 الاف جنية في الشهر يقدر يروح على الاقل 3 ماتشات في الشهر”.

وأكمل الدماطي: “عكس دلوقتي اللي الماتش بيدخل في اقل حاجة 150 جنية، نظام الحجز يرجع زي زمان من قدام النادي منافذ وشركات الاتصالات كلها مش الرعاة بس، والشراء بالبطاقة ورقم التليفون ويتعمل استعلام امني لو في مشكلة التذكرة بتقف من على البوابة زي أوروبا، وتتفتح الملاعب بسعة كاملة، احنا مصر ونعرف نامن أي عدد وفي أي وقت مفيش دولة في المنطقة عندها ربع استقرارنا الأمني”.

إقرأ أيضاً.. تعرف على مواعيد مباريات الأهلي المؤجلة بالدوري المصري